پورتال جامع دلتا

زینبیم هارداسان آی بختی قاره

علقم اوستونده پرچم داریم اولدی

خیمه ده ور خبر بی کس ربابه

سو یولی گوزلمه سرداریم اولدی

آه و واویلا عطشان ابالفضلیم

شهلا گوزلره قربان ابالفضلیم

سو جامین آل باجی آهولریمله

نهر اوسته اوخ دییپ مشکیم دلیپدی

بولدورمه قیزلارا بو ماجرانی

مرکبینن یره قولسوز گلیپدی

بیلمیرم هچ پیکانی زینب

ساغ گوزونن نجه قولسوز چکیپدیر

قومنارین اوستونده اوخ یاره سینن

بس کی قان داشلانیپ جان دینجلیپدی

آه و واویلا عطشان ابالفضلیم

شهلا گوزلره قربان ابالفضلیم

گوردوم باش یاره سین اولدوم دیریلدیم

اوت توتدی پیکریم یاندیم او هن ده

بیر اله حاله زینب قالمامیشدیم

اکبریم سینم اوسته جان ورنده

تیتردی دیزلریم گوز یاشیم آخدی

گوزلریمده ددیم دنیا قارالدی

ایستیردی منی آغوشه آلسین

گوردی اما قولی یوخدور بدنده

آه و واویلا عطشان ابالفضلیم

شهلا گوزلره قربان ابالفضلیم